Panel de control para CompluArm. Curso 2023-2024.

Para poder continuar coas nosas prácticas de programación e manexo do brazo robótico CompluArm, necesitamos construir un panel de control para 5 potenciómetros (son os que temos agora no taller), aínda que necesitaremos 6 potenciómetros para manexar os 6 servomotores de CompluArm.

Decidimos deixar o control da pinza (man) do brazo robótico para cando dispoñamos doutro potenciómetro.

Para realizar o panel de control, utilizamos a páxina Boxes.py, que crea deseños de caixas que podemos descargar en formato .dxf e editalas con LibreCAD antes de levar o deseño á cortadora láser do taller (Mr. Beam II).

Seleccionamos o deseño tipo Console2, obtendo o seguinte arquivo .dxf: Control Potenciómetros.dxf.

Imaxe de caixa tipo Console 2 obtida da páxina de Boxes.py

En LibreCAD incorporamos os furados para introducir os potenciómetros e retiramos as etiquetas de acoutado, quedando finalmente o arquivo: Control potenciómetros para cortar.dxf.

Os potenciómetros os conectamos todos segundo o seguinte esquema:

quedándonos o panel como se mostra na imaxe seguinte:

O terminal común da cada potenciómetro se conectará á placa Arduino do seguinte xeito:

• Potenciómetro 1 á entrada analóxica 0.
• Potenciómetro 2 á entrada analóxica 1.
• Potenciómetro 3 á entrada analóxica 2.
• Potenciómetro 4 á entrada analóxica 3.
• Potenciómetro 5 á entrada analóxica 4.

Cando teñamos o Potenciómetro 6 (para manexar a pinza) o conectaremos á entrada analóxica 5.