O Experimental Box + Micro:bit é unha ferramenta didáctica ideal para iniciarse no mundo da programación e da electrónica. Trátase dun kit educativo que combina compoñentes electrónicos tradicionais cunha placa microcontroladora Micro:bit, permitíndonos aprender dunha maneira interactiva e divertida.
1. Que é o Experimental Box?
O Experimental Box é un adestrador didáctico desenvolvido para programar coa placa Micro:bit. Esta pequena tarxeta, creada pola BBC, ten como obxectivo ensinar programación e robótica educativa. A placa Micro:bit funciona dun xeito similar á placa Arduino, que se utiliza habitualmente no taller de Tecnoloxía de 4º de ESO.
2. Que compoñentes inclúe?
O kit Experimental Box conta con diversos compoñentes de electrónica e electricidade, entre os que atopamos:
- Sensores de temperatura (NTC) e luz (LDR).
- Diodos LED.
- Servomotor e motor de corrente continua (CC).
- Transistor MOSFET.
- Resistencias de diferentes valores.
- Potenciómetro.
As conexións entre os compoñentes realízanse mediante cables con conectores tipo banana, que son fáciles de manipular e aseguran unha conexión estable.
3. Como se programa o Experimental Box?
A programación realízase a través de MakeCode, un ambiente de programación baseado en bloques, moi similar a Scratch.
Para programar:
- Accede á páxina de MakeCode.
- Conecta a placa Micro:bit ao ordenador e carga o programa nela.
- Crea un "novo proxecto".
- Arrastra os bloques necesarios para controlar os compoñentes do circuíto.
- Unha vez finalizado, preme en "descargar".
- A Micro:bit executará o código e controlará o circuíto segundo o programado.
4. Experiencia de uso e recomendación
As prácticas dispoñibles no kit (accesible no manual en papel e tamén na pácxina web) son sinxelas de seguir,.
Unha das actividades máis destacadas é a do uso do motor, que consta de dous pasos:
- Conectar o circuíto seguindo as instrucións e utilizando os cables banana.
- Crear o programa en MakeCode e cargalo na placa Micro:bit.
Ao realizar as prácticas, se obtiveron os resultados esperados sen complicacións, sendo unha experiencia entretida e didáctica.
5. A quen vai dirixido este kit?
Este kit está recomendado para estudantes a partir de 2º da ESO, xa que as prácticas son accesibles e a programación con MakeCode resulta intuitiva, especialmente para aqueles que xa teñan experiencia previa con Scratch.
6. Máis información.
Páxina oficial de MakeCode.
Información sobre o kit Experimental Box.